«Վագներ»-ի ստորաբաժանումները գրավել են Բախմուտի ամբողջ արևելյան հատվածը. Պրիգոժինը կրկին դիմել է Զելենսկուն. Տեսանյութ

Ռուսական ուժերն ամբողջությամբ վերահսկողության տակ են վերցրել Բախմուտի (ռուսական անվանումը՝ Արտյոմովսկ) արևելյան հատվածը։ Այս մասին չորեքշաբթի հայտնել է «Վագներ» մասնավոր ռազմական կազմակերպության հիմնադիր Եվգենի Պրիգոժինը, գրում է ՏԱՍՍ-ը։

««Վագներ»-ի ստորաբաժանումները գրավել են Բախմուտի ամբողջ արևելյան հատվածը: Բախմուտկա գետից արևելք ամեն ինչ ամբողջությամբ գտնվում է «Վագներ»-ի վերահսկողության տակ»,-ասել է Պրիգոժինը, որի խոսքերը թելեգրամյան ալիքում հրապարակել է նրա մամուլի ծառայությունը։

Անմիջապես Բախմուտից Եվգենի Պրիգոժինը կրկին դիմել է Ուկրաինայի նախագահ Վլադիմիր Զելենսկուն և հորդորել նրան դուրս բերել «ծերերին ու երեխաներին» Բախմուտից և փոխարենը քաղաք ուղարկել ավելի քան 65 000 զինվոր Զապորոժյեից և 21 000 ուկրաինացի զինվոր Կրասնի Լիմանից։

Մանրամասները՝ տեսանյոթում:

Zham.am