ԱՄՆ-ն չի ցանկանում Բաքվի դեմ պատժամիջոցներ կիրառել Լաչինի միջանցքի շրջափակման համար, սակայն պատրաստ է պատժամիջոցներ կիրառել Վրաստանի իշխանությունների դեմ՝ «օտարերկրյա գործակալների մասին օրենքն» ընդունելու համար

ԱՄՆ-ն չի բացառում Վրաստանի իշխանությունների ներկայացուցիչների նկատմամբ պատժամիջոցների կիրառման հնարավորությունը՝ օտարերկրյա գործակալների մասին օրենքի շուրջ ստեղծված իրավիճակի պատճառով։ Այս մասին երեքշաբթի օրը կայացած ճեպազրույցում հայտարարել է Պետդեպարտամենտի մամուլի ծառայության ղեկավար Նեդ Փրայսը։

«Ես չեմ նշի կոնկրետ անձանց կամ ընկերությունների անուններ, որոնք կարող են ենթարկվել ԱՄՆ-ի կամ այլ պատժամիջոցների: Բայց մենք ունենք մի շարք գործիքներ, որոնք մեզ թույլ են տալիս աշխարհի ցանկացած երկրում պատասխանատվության ենթարկել ցանկացած մարդու, ով պատասխանատու է մարդու իրավունքները ճնշելու համար»,-ասել է նա՝ պատասխանելով ԱՄՆ պատժամիջոցների հնարավորության մասին հարցին՝ կապված Վրաստանում ընդունված օտարերկրյա գործակալների մասին օրինագծի վերաբերյալ։

Ավելին, ԵՄ արտաքին ծառայության ղեկավար Ժոզեպ Բորելը հայտարարել է, որ օտարերկրյա գործակալների մասին օրենքի վրացական տարբերակի ընդունումը «վատ զարգացում է Վրաստանի և նրա ժողովրդի համար և հակասում է Եվրամիությանն անդամակցելու Թբիլիսիի ձգտումներին»։

Հատկանշական է, որ ԱՄՆ-ն և ԵՄ-ն, որոնք պատրաստ են պատժամիջոցներ կիրառել Վրաստանի դեմ, սահմանափակում են ԵՄ-ին անդամակցելու նրա հեռանկարները երկրում օտարերկրյա հասարակական կազմակերպությունների գործունեությունը կարգավորող օրենքի պատճառով, պատրաստ չեն պատժամիջոցներ կիրառել Ադրբեջանի դեմ, Արցախում մարդու իրավունքների բացահայտ խախտումների համար։

Չնայած 2022 թվականի դեկտեմբերի 12-ից Ադրբեջանը ոտնահարում է մարդու իրավունքները՝ արգելափակելով Լաչինի միջանցքը՝ Արցախի ժողովրդին զրկելով տեղաշարժվելու, բուժօգնություն ստանալու, աշխատելու և տնտեսական գործունեություն ծավալելու իրավունքից։ Ավելին, նույնիսկ մարտի 5-ի Ստեփանակերտ-Շուշի ճանապարհին տեղի ունեցած ահաբեկչությունից հետո ԱՄՆ-ը և ԵՄ-ն չեն մտածում Ադրբեջանի նախագահ Իլհամ Ալիևի և նրա ռեժիմի դեմ պատժամիջոցներ կիրառելու մասին։

Ըստ երևույթին, վրացական ՀԿ-ների մարդկանց իրավունքներն ավելի կարևոր են, քան արցախահայության իրավունքները։

Zham.am