Փաշինյանն է խնդրե՞լ հեռացնել Շոլցի` Արցախի ժողովրդի ինքնորոշման իրավունքի իրացման մասին խոսքը
Գերմանիայի կանցլեր Օլաֆ Շոլցի կայքից հեռացվել է նրա հայտարարության մի հատված՝ Լեռնային Ղարաբաղի քաղաքացիների ինքնորոշման իրավունքը հաշվի առնելու անհրաժեշտության մասին։
Հիշեցնենք՝ օրեր առաջ Բեռլինում ՀՀ վարչապետի պաշտոնը զբաղեցնող Նիկոլ Փաշինյանի հետ համատեղ մամուլի ասուլիսում Գերմանիայի կանցլերը երկու անգամ նշել էր, որ վեճի խաղաղ կարգավորումը պետք է ձեռք բերվի Հայաստանի և Ադրբեջանի տարածքային ամբողջականության և Լեռնային Ղարաբաղի քաղաքացիների ինքնորոշման իրավունքների հիման վրա, ընդ որում, այդ երկու սկզբունքները հավասարազոր են։ Մինչդեռ հաղորդագրության՝ այժմ կայքում գտնվող տարբերակում, արձանագրված է միայն տարածքային ամբողջականության սկզբունքը։ Համացանցում պահպանվել է հաղորդագրության նախնական տարբերակը, որը Գերմանիայի կանցլերը հնչեցրել էր Նիկոլ Փաշինյանի հետ հանդիպմանը։ Թերևս հաղորդագրությունը փոփոխելը և Լեռնային Ղարաբաղի բնակիչների ինքնորոշման մասին կարևորագույն արձանագրման հեռացնելը տեղի է ունեցել ոչ թե Գերմանիայի իշխանությունների ցանկությամբ, կամ էլ թուրք-ադրբեջանական տանդեմի ճնշմամբ, այլ, ըստ ամենայնի, հենց Հայաստանի իշխանությունների խնդրանքով։
Փաշինյանը, որ մինչև շաբաթ օրը գտնվում էր Գերմանիայում, մեր աղբյուրների համաձայն, անձամբ է խնդրել հեռացնել այդ հատվածը, որպեսզի կարողանա շարունակել բանակցել Թուրքիայի և Ադրբեջանի հետ իր սեփական քաղաքական շահերի համար։ Նույն այդ ասուլիսում Նիկոլ Փաշինյանն ընդհանրապես որևէ բառ չէր ասել Արցախի բնակիչների ինքնորոշման մասին, և հետևաբար Գերմանիայի կանցլերի կայքում տեղի ունեցած խմբագրումը հենց Նիկոլ Փաշինյանի ձեռքի գործն է։ Թե ինչ հակահայ մտադրություններ ունի Նիկոլ Փաշինյանը, թերևս որևէ մեկի մոտ այլևս վաղուց կասկած չի հարուցում։ Սեփական քաղաքական շահերը, ինչպես նաև Ալիևի ու Էրդողանի հետ իր քաղաքական ապագան կերտելու միտումները վարչապետի պաշտոնը զբաղեցնող անձը չի էլ թաքցնում և այդ ճանապարհին նույնիսկ քար է գցում Լեռնային Ղարաբաղի բնակիչների ինքնորոշման իրավունքի վրա։
Աղբյուր` 1or.am
Հետևեք մեզ Facebook-ում