Երասխի մոտ թուրքերն ու ադրբեջանցիները խոշոր տրամաչափի զենքեր են փորձարկել. Տեսանյութ

Անցած շաբաթավերջին Երասխում խուճապ է տարածվել, երբ դիրքերից կրակոցների ձայներ են լսվել: Լուրեր կային, թե կրակոցների ձայնից վախեցած աշակերտներին ապաստարան են իջեցրել: Այսօր Երասխ գնացած «Հայլուր»-ի թղթակիցներին վտահեցրել են, որ նման բան տեղի չի ունեցել, սակայն կրակոցների ձայն լսվել է: Գյուղացիների խոսքով՝ ձայնը եկել է սահմանի մյուս կողմից՝ Նախիջևանից, որտեղ Թուրքիան ու Ադրբեջանը ամեն ամիս առնվազն մեկ անգամ զորավարժություն են անում: