Բնակարանային հարցեր․ ո՞ր դեպքում կհեռացվի Նիկոլ Փաշինյանը
Դիտել նաև
Անդրանիկ Թևանյանը դատական հայց է ներկայացրել ընդդեմ Տարոն Չախոյանի
Թևանյան․ «Փաշինյանը հավասարության նշան է դնում արցախցիների իրավունքների և ադրբեջանցիների բնակեցման միջև»
Անդրանիկ Թևանյանին «դավաճան» պիտակավորելը քաղաքական շոու է․ Նիկոլի իշխանության հերթական թիրախավորումը
Անդրանիկ Թեւանյանը ձերբակալվեց. այսօր կքննվի նրա խափանման միջոցի հարցը
Անդրանիկ Թևանյանը ԿԸՀ-ում է․ հանձնաժողովը քննում է նրան անձեռնմխելիությունից զրկելու հարցը. Տեսանյութ
Բուլգակովի հայտնի վեպում ասվում է, որ մոսկվացիներին փչացրել է բնակարանային հարցը։ Դա շատ բազմաշերտ ձևակերպում է։
Մեր «թավշյա» տղաներին ու աղջիկներին նույնպես փչացրել է բնակարանային հարցը (թեև՝ շատերը մինչև իշխանության գալն արդեն փչացած էին ու տառապում էին «բնակարանային հարցով»)։
Իշխանությունը զավթելուց հետո նիկոլենց ամբողջ թիմը նույն բանն է անում։ Փող է աշխատում։ Ու գրեթե բոլորը նույն ճանապարհն են անցնում՝ ամեն մեկն իր ստացած պաշտոնի, թալանի հնարավորության, ունեցած պարգևավճարի և այլ հնարավորությունների չափով։ Նաև՝ դաստիարակության ու կարդացվածության չափով։
Սրանք նախ իրենց տեսքն ու հագուստը փոխեցին։ Սկսեցին սանրվել կամ փոխել սանրվածը, ներկեցին մազերը, կոստյում գնեցին, փողկապ կապել սովորեցին։ Հետո անցան ավտոմքենա գնելու գործին։ Դրան հաջորդեց բնակարանի հարցի լուծումը։ Զուգահեռաբար սկսեցին ամուսնանալ, ամուսնացածները՝ սիրուհի կամ սիրեկան պահել։ Այս ամենից ազատ ժամանակ «շարիկովները» սկսեցին քննարկել Էրգելս–Կաուտսկի նամակագրությունը։
Իշխանությունը «թավշյաների» համար կյանքի, լինել–չլինելու խնդիր է։ Իրենք չեն ուզում իշխանությունից հեռանալ ու վերադառնալ նախկին կյանքին։ Քանզի նախկին կյանքում իրենցից շատերը անլվա ու անխնամ էին, չունեին ավտոմեքենա, իսկ բնակարանը, այն էլ՝ մեծ բնակարանը կամ առանձնատունն անիրականանալի երազանք էր։
Հիմա ամեն ինչ կա, բայց այն երկիրը, որ կառավարում են «թավշյա» տղաներն ու աղջիկները, չլինելու եզրին է։ Բայց դա իրենց չի հետաքրքրում։ Իրենք աղքատություն են հաղթահարում իրենց գրպաններում։ Ու ինչքան էլ արհավիրք ու ողբերգություն են բերել, միևնույն է ինքնակամ չեն հեռանում, քանզի վախի ու ագահության գործոններով պայմանավորված գերմոտիվացված են իշխանությունը պահելու հարցում։ Ու հանուն դրա փնտրում են հովանավորներ, այդ թվում ու առաջին հերթին ի դեմս Թուրքիայի։ Վերջինս նույնպես գերմոտիվացված է Հայաստանում այսպիսի իշխանություն լինելու հարցում։ գերմոտիվացվածների շահերը 100 տոկոսով համընկել են։
«Թավշյա» տղաների ու աղջիկների այդ գերմոտիվացիան պայմանականորեն կարելի է անվանել թրքաբոլշևիկյան։
Թրքաբոլշևիկյան գերմոտիվացիային կարող է հաղթել միայն անձնական ու պետական գոյաբանական խնդրի առաջ կանգնած գերմոտիվացիան․ լինել–չլինելու հարցով գերմոտիվացիան։ Ասել է թե՝ թրքաբոլշևիկյան մահապարտին կարող է հաղթել միայն հայաստանակենտրոն մահապարտը, որն ունի նաև իշխանությունը վերցնելու անհաղթահարելի ցանկություն։
ՀՀ ԱԺ պատգամավոր Անդրանիկ Թևանյանի ֆեյսբուքյան էջից
Հետևեք մեզ Facebook-ում