Չինական Spacety Co ընկերությունը «ЧВК Вагнер»-ին է տրամադրել հետախուզական արբանյակային պատկերներ. ԱՄՆ Պետդեպարտամենտ

Չինական Spacety Co ընկերությունը «ЧВК Вагнер»-ին արբանյակային պատկերներ է տրամադրել։ Այս մասին երեքշաբթի օրը հայտարարել է ԱՄՆ պետքարտուղարի՝ Արեւելյան Ասիայի եւ Խաղաղ օվկիանոսի հարցերով օգնական Դանիել Կրիտենբրինկը՝ ելույթ ունենալով ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի լսումների ժամանակ։

«Սև ցուցակում հայտնված ընկերություններից մեկը՝ Spacety Co-ն, արբանյակային պատկերներ է տրամադրել «ЧВК Вагнер»-ին»»,- ասել է նա։

Կրիտենբրինկը հավելել է, որ Միացյալ Նահանգները տեղեկացնում են իրենց դաշնակիցներին Չինաստանի կողմից Ռուսաստանին ռազմական օգնություն տրամադրելու հնարավորության մասին։ «Ես կարող եմ գոհունակությամբ նշել, որ դաշնակիցները կիսում են մեր մտահոգությունն այս հարցում»,- ասել է նա։

Zham.am