Ռուսաստանը պետք է ավելի զուսպ լինի և ընդունի, որ չի կարող լուծել Հայաստանի անվտանգության հարցերը. Սիմոնյան. Տեսանյութ

Վերջին 30 տարվա մեջ մենք ամենամոտն ենք, որ հայ-թուրքական հարաբերությունները կարգավորվեն, եթե հակառակ կողմի մղումները իրոք անկեղծ են։ ԱԺ-ում ճեպազրույցի ժամանակ նման հայտարարություն է արել ԱԺ խոսնակ Ալեն Սիմոնյանը՝ պատասխանելով հարցին, թե հայ-թուրքական հարաբերություններում կա՞ առաջընթաց։

Ալեն Սիմոնյանն անդրադարձել է նաև հայ-թուրքական հարաբերությունների կարգավորման մասով ՌԴ-ի վերաբերմունքին և արձագանքին։

«Եկեք, ժողովրդի լեզվով ասած, ծուռը նստենք, դուզը խոսենք․ իրենք էին մեր տարածքային ամբողջականության, անվտանգության ապահովողը (խմբ․՝ նկատի ունի ՌԴ-ն), այստեղ է գտնվում ռուսական զորախումբը՝ 102-րդ ռազմաբազան, և էդ ամեն ինչը, մեր պայմանագրերը այ էս իրավիճակին էին միտված։ Եվ գիտե՞ք ինչ, ասել՝ բա՛, բա՛․ բա՛․․․ Բա դուք ո՞ւր էիք, բա դուք ո՞ւր եք, բա դուք ինչի՞ չեք ավելի ակտիվ մասնակցում։ Եթե չեք կարողանում, ես ասել եմ դրա մասին, պետք է բարձրաձայն դրա մասին ասել, և միգուցե միասին նստենք, ելքեր գտնեք»,-ասել է Ալեն Սիմոնյանը։

Մանրամասները՝ 24news.am-ի տեսանյութում։