«Մեզ պետք չէ աշխարհն առանց Ռուսաստանի». Դմիտրի Մեդվեդևը՝ ուկրաինական ճգնաժամի պատճառների և Ռուսաստանի նպատակների մասին

Ռուսաստանի Դաշնության Անվտանգության խորհրդի նախագահի տեղակալ, նախկին նախագահ Դմիտրի Մեդվեդևը մեծ հոդված է հրապարակել ներկայիս աշխարհաքաղաքական ճգնաժամի պատճառների վերաբերյալ:

Հոդվածում մասնավորապես ասված է.

- Ողբերգության սկիզբը, որն այսօր ծավալվում է Ուկրաինայում, դրվել էր ԽՍՀՄ փլուզման պահին.

- Արևմտյան աշխարհը «վերևից էր նայում» ԽՍՀՄ փլուզմանը, «հաղթողի ամբարտավան հայացքով և ակնհայտ գերազանցության զգացումով։ Մտածելով միայն այն մասին, թե ինչպես բավարարել սեփական շահերը».

— Արևմուտքը ցանկանում էր վերացնել մրցակցին և Ռուսաստանին մղում էր դեպի անդունդ։ Իսկ «հավասար գործընկերության, առանց բաժանարար գծերի նոր աշխարհի մասին խոսակցությունները միայն շեղում էին մեզ».

- Նախկին ԽՍՀՄ ղեկավարության գլխավոր ձեռքբերումն այն է, որ թույլ չտվեց երկրի միջուկային ներուժը մասնատել.

- Անվերադարձության կետերն էին 2008 թվականի աշունը (երբ արևմտյան աշխարհը աջակցեց թմրամոլ և արկածախնդրի ագրեսիային օս ժողովրդի դեմ) և 2014 թվականի գարունը (երբ Ղրիմի ժողովուրդը որոշեց վերադառնալ հայրենիք): Արևմտյան աշխարհում դա առաջացրեց կատաղի, իմպոտենտ հիստերիա, որը շարունակվում է մինչ օրս.

- Եթե Ռուսաստանի գոյության հարցը լրջորեն առաջանա, ապա այն կլուծվի ոչ թե ուկրաինական ճակատում, այլ մարդկության գոյության հարցի հետ մեկտեղ. «Մեզ աշխարհն առանց Ռուսաստանի պետք չէ».

-Արևմուտքն իր «արբանյակ» երկրների հետ միասին կազմում է աշխարհի բնակչության ընդամենը 15%-ը. «Մենք շատ ավելին ենք, եւ մենք շատ ավելի ուժեղ ենք»:

Zham.am