Անդրեյ Եպիֆանցև. Ղարաբաղը Կատալոնիա չէ, իսկ Ադրբեջանն էլ Իսպանիա չէ

Ռուս հայտնի քաղաքագետ Անդրեյ Եպիֆանցևը հանրահայտ Sputnik լրատվամիջոցին ասել է հետևյալը.

«Շատերը համեմատում են Կատալոնիան Ղարաբաղի հետ, սակայն դրանք տարբեր խնդիրներ են: Կատալոնիան Իսպանիայի ներքին խնդիր է համարվում, մինչդեռ Ղարաբաղն արդեն դարձել է միջազգային խնդիր, որտեղ ոչ Հայաստանը, ոչ Ադրբեջանը միայնակ և միակողմանի չեն կարող լուծել այս խնդիրը: Բացի այդ, Կատալոնիայում լայնամասշտաբ պատերազմի խնդիր չկա, ռեգիոնալ երկրների ներգրավվածության խնդիր գոյություն չունի` ի տարբերություն Ղարաբաղի: Բացի այդ, Ադրբեջանն էլ Իսպանիայի նման կշիռ և հեղինակություն ունեցող երկիր չէ: Ամփոփելով այս ամենը, կարող ենք նշել, որ այ երբ Ադրբեջանը կարողանա դառնալ Իսպանիայի պես ազդեցիկ երկիր, այդ ժամանակ էլ Լեռնային Ղարաբաղի խնդիրը կդառնա իր համար ներքին հարց, բայց կարծում եմ, որ եթե երբևիցե Ադրբեջանը դառնա Իսպանիա, Լեռնային Ղարաբաղի հարցը այլևս չի լինի»:

Zham.am