Բա էդ մարդկանց փողոց շպրտելուց առաջ ինչո՞վ էիք մտածում․ փաստաբանը՝ իշխանությանը

ՊՆ նախկին շենքում բնակվող հայ մարդկանց, մանկահասակ երեխաների հետ միասին, փողոցում թողնելուց հետո, այս սառնամանիք եղանակին, իշխանությունը Սոց.նախարարության միջոցով հայտնում է, թե քննարկվում է նրանց բնակարանի վարձակալության փոխհատուցում տալու հարցը:

Դուք իրո՞ք էսքան անուղեղ եք, թե՞ հերթական ստոր ստախոսությամբ փորձում եք էժան ռեյտինգ հավաքել: Բա էդ մարդկանց փողոց շպրտելուց առաջ ինչո՞վ էիք մտածում: Բա մեկը չկա՞ր հուշեր ձեզ, որ նախ մտածեք հետո վտարեք:

Ախր պետությունը և իշխանությունը նրա համար է, որ մարդկանց խնդիրները լուծի, ոչ թե ծանրացնի մարդկանց պրոբլեմները ծայրաստիճան ու հետո հայտարարի, թե մի քիչ կօգնենք: Էլ ե՞րբ եք քննարկելու վարձավճարի փոխհատուցում տալու հարցը: Քննարկողներովդ հիմա գլուխներդ հանգիստ դրել եք ձեր տաք բարձերին, շաբաթ-կիրկին էլ քաղաքից դուրս մի տեղ կվայելեք ու երկուշաբթի, սուրճից հետո, կսկսեք քննարկե՞լ:

Տո ձեր քննարկածն ի՞նչ պիտի լինի...

Արսեն Բաբայանի ֆեյսբուքյան էջից