Փաշինյանը՝ պատասխան կպահանջի՞ Թաթոյանից
Երբ անցյալ տարի իշխանութունները ներկայացրեցին իրենց ՄԻՊ թեկնածու Արման Թաթոյանին, ընդդիմադիր պատգամավոր Նիկոլ Փաշինյանը ի զարմանս շատերի աջակցեց նրա ընտրությանը՝ հայտարարելով.«Եվ ես որոշել էի կողմ քվեարկել և այսօր էլ համոզվեցի, որ կողմ եմ քվեարկելու Արման Թաթոյանի թեկնածությանը»,- Թաթոյանի թեկնածության քննարկման ժամանակ ասել էր ընդդիմադիր պատգամավորը` իր որոշումը մեկնաբանելով որպես պոստ ֆակտում վստահության քվե Հայաստանում մարդու իրավունքների պաշտպանության ինստիտուտին:
«Սա ավանսով վստահության քվե է»,- ասել էր Նիկոլ Փաշինյանը` խոստանալով ամեն ինչով աջակցել նոր պաշտպանին, եթե վերջինը կունենա իր աջակցության կարիքն ու կդիմի իրեն այդ հարցով:
Մոտ մեկ տարի է Արման Թաթոյանը Հայաստանի ՄԻՊ-ն է: Թաթոյանի պաշտոնավարման ամիսներին մարդու հիմնարար իրավունքների խախտման բազմաթիվ դեպքեր են արձանագրվել՝ ոստիկանությունը, բռնություն է կիրառել քաղաքացիների վրա, ծեծվել են լրագրողներ, կան բազմաթիվ քաղաքական բանտարկյալներ: Այս ամենի ֆոնին գրեթե աննկատ է Արման Թաթոյանի կատարած աշխատանքը:
Կարելի է ասել, որ պատգամավորի ավանսով տրված վստահության քվեն իրեն չի արդարացրել: Հետաքրքիր է, ՄԻՊ տարեկան զեկույցի ընթացքում պատգամավոր Փաշինյանը պատասխան կպահանջի Թաթոյանից իր անգործության համար, թե արդեն մոռացել է իր վստահության քվեյի մասին:
Հետևեք մեզ Facebook-ում