Ադրբեջանի արտգործնախարարը ցանկություն է հայտնել այցելել Թուրքիա. Չավուշօղլու

Այսօր հեռախոսազրույց է կայացել Ադրբեջանի և Թուրքիայի արտգործնախարարների միջև։ Այս մասին լրագրողների հետ զրույցում ասել է Թուրքիայի արտգործնախարար Մևլյութ Չավուշօղլուն:

«Ադրբեջանի արտգործնախարար Ջեյհուն Բայրամովը Թուրքիա այցելելու ցանկություն հայտնել։ Մեր բազմաթիվ գործընկերներ, ընկերներ Եվրոպայից ևս ցանկանում են այցելել, այդ այցերի պլանավորումը կիրականացնենք հաջորդ շաբաթ»,- ասել է Չավուշօղլուն։

Թուրք պաշտոնյայի խոսքով՝ երկրաշարժից հետո Անկարան օգնության առաջարկ է ստացել ավելի քան 90 երկրներից և մեկ տասնյակից ավելի միջազգային կազմակերպություններից։

Նշենք, որ Թուրքիայում զոհերի թիվը հասել է 16170-ի, վիրավորներինը՝ 64194–ի։

Ավելի վաղ հայտնել էինք, որ փետրվարի 6-ի առավոտյան, Թուրքիայի Մարաշ քաղաքի մոտակայքում գտնվող Փազարջըքի շրջանում, տեղի ժամանակով 04:17–ին 7.7 մագնիտուդով երկրաշարժ է գրանցվել։ Հետցնցումները կազմել են գրեթե 42 անգամ, որոնցից ամենաուժեղը 6.6 մագնիտուդով։ Ավելի ուշ, եւս մեկ երկրաշարժ է գրանցվել 7.5 մագնիտուդով։

Թուրքիայում 7 օր սուգ է հայտարարվել։

Սիրիայում առողջապահության նախարարության տվյալներով զոհերի թիվը հասել է 1347-ի:

Աղբյուր՝ News.am