«Կար Նախիջևանի և Ադրբեջանի կողմից Հայաստանին կրկնակի հարված հասցնելու ծրագիր, որին պետք է հաջորդեր տարածաշրջանում վերջին պրոռուսկան պետության լիկվիդացումը, և Հայաստանի ղեկավարությունը գիտեր այդ ծրագրի մասին». Միխայիլ Խազի. Տեսանյութ

Ռուսաստանցի տնտեսագետ, պետական ​​գործիչ Միխայիլ Խազինը իր հեղինակային «Экономика по-русски» հաղորդաշարի եթերում արևելագետ Կարինե Գևորգյանի հետ հարցազրույցում ասել է, որ Ռուսաստանի հարավային սահմանների լարվածության առանցքային կետերից մեկը, որն ավելի վտանգավոր է, քան Ուկրաինայում պոտենցիալ իրավիճակի սրումը, դա իրավիճակն է Անդրկովկասում։

«Կար Նախիջևանի և Ադրբեջանի կողմից ՀՀ-ին կրկնակի հարված հասցնելու ծրագիր, որին պիտի հաջորդեր տարածաշրջանում վերջին պրոռուսկան պետության լիկվիդացումը: Իրանը և Թուրքիան մի շարք հարցերում Ռուսաստանի գործընկերներն են, բայց ամբողջությամբ, գոնե մինչ այս պահը, նրանք լիակատար դաշնակից պետություններ չեն ՌԴ-ի համար, կարծիք կա, որ Հայաստանի ներկայիս ղեկավարությունն ամբողջությամբ տեղեկացված էր և ավելին, սատարում էր այդ ծրագրին։ Այս ծրագիրը հիմնականում ուղղորդվում էր Լոնդոնից, իսկ Նիկոլ Փաշինյանի նվիրական երազանքը Լոնդոն տեղափոխվելն է։ Փաշինյանն էլ դասական լիբերալ լրագրող է, դասական ազատական ​​կյանքի մասին երազանքով»,-ասաց Խազինը։

Միաժամանակ, Խազինը նշել է, որ Թուրքիայում տեղի ունեցած երկրաշարժը կտրուկ փոխել է նույնիսկ «աշխարհաքաղաքական լանդշաֆտը», այս իրավիճակում կես կամ նույնիսկ մեկ տարի Թուրքիան, փաստացի, դուրս կմնա Հարավային Կովկասի տարածաշրջանի գործընթացներից։

Մանրամասները՝ տեսանյութում:

Zham.am