Անհայտ բնույթի հարձակումների պատճառով ԱՄՆ-ը Կուբայից հետ է կանչել իր դիվանագետներին

Անհայտ բնույթի հարձակումների պատճառով Վաշինգտոնը տարհանում է Կուբայից իր դիվանագետների 60 տոկոսը: Ինչպես տեղեկացնում է CNN-ը, ԱՄՆ-ի Պետքարտուղար Ռեքս Թիլլերսոնին ծառայողական գրություն է ուղարկվել այն մասին, որ աշխատանքի ժամանակ դեսպանատան 21 աշխատող տուժել են արտաքին ազդեցությունից, որի աղբյուրյն այնպես էլ չի հաջողվել հայտնաբերել:

Ըստ աղբյուրի՝ ամերիկացի դիվանագետների մոտ ախտորոշվել է լսողության նվազում և գլխուղեղի աննշան վնասվածքներ: Որոշ աշխատողները հայտնել են, որ տառապում էին անդադար գլխացավից, հիշողության կորստից, սրտխառնոցից, և անհասկանալի աղմկից ականջներում: Մյուսները, սակայն, հայտնել են, որ ոչ մի տարօրինակ բան չեն զգացել:

Տեղի ունեցածի պատճառով պաշտոնական Վաշինգտոնը հայտարարել է, որ ժամանակավորապես դադարեցնում է վիզաների տրամադրումը կուբացիներին, իսկ ԱՄՆ-ի քաղաքացիներին խորհուրդ է տրվել ժամանակավորապես խուսափել Կուբա այցելելեուց:

Աղբյուրի փոխանցմամբ՝ Ազատության Կղզում կմնան միայն այն դիվանագետները, որոնց ներկայությունն անհրաժեշտություն է:     

Zham.am