Քրդերի հանրաքվեից ամենաշատը կարող է տուժել Սամվել Ալեքսանյա՞նը

Ըստ «Հրապարակ» օրաթերթի, մոտ ժամանակներս թանկացումներ են սպասվում նաև մսի ոլորտում, և մասնավորապես կանխատեսվում է, որ տավարի մսի 1 կգ կդառնա 5000 դրամ: Ըստ սույն լրատվամիջոցի, այս ամենը ոչ միայն երաշտով է պայմանավորված, այլև այն հանգամանքով, որ հանրահայտ Սամվել Ալեքսանյանը տավարի մսի մասսայական արտահանում է սկսել Հայաստանից դեպի Իրաքյան Քրդստան: 

Մեր կողմից հիշեցնենք, որ Սամվել Ալեքսանյանը վաղուց է այս տարածաշրջան արտահանում նաև հայկական օղիներ և այլ տիպի ալկոհոլային խմիչքներ: Նույնիսկ խոսակցություն կա, որ Ալեքսանյանի վերահսկողության տակ է անցել Քրդստանի ոգելից խմիչքների շուկայի ծանրակշիռ մասը: Ավելին, խոսում են նաև այն մասին, որ Ալեքսանյանին հաջողվել է նույնիսկ Քրդստանից Իրան ոգելից խմիչքների տրանզիտ ապահովել` ոչ լեգալ ճանապարհներով: Եթե այս տեղեկությունները համապատասխանում են իրականությանը, ապա կարելի է մի քանի եզրահանգման գալ.

Առաջին

Սամվել Ալեքսանյանը մեգամագնատ է ոչ միայն Հայաստանում, այլև Քրդստանում:

Երկրորդ

Փաստորեն նա լավ գործարար է, ով կարողացել է դժվարին միջինարևելյան շուկայում ուրույն տեղ զբաղեցնել:

Երրորդ

Նա կարողացել է Քրդստան - Իրան ոգելից խմիչքների տրանզիտ ապահովել, «պայմանավորվել» իրանցի մոլլաների հետ, ինչն աննախադեպ է: 

Չորրոդ

Քրդստանի հանրաքվեն կարող է լուրջ հարված հասցնել հայ մեգամագնատի շահերին:

Zham.am