Թուրքիայի և Իրաքի վարչապետները քննարկել են Իրաքյան Քուրդիստանից նավթի մատակարարման հետ կապված հարցերը

Այսօր, սեպտեմների 28-ին, տեղի է ունեցել Իրաքի վարչապետ Հայդեր ալ Աբադիի և Թուրքիայի վարչապետ Բինալի Յըլդըրըմի հեռախոսազրույցը, որի ընթացքում քննարկվել են Իրաքյան Քուրդիստանից դեպի Թուրքիա նավթի մատակարարման շուրջ մի շարք հարցեր: 

Ինչպես տեղեկացնում է «Sputnik» լրատվական գործակալության թուրքական ծառայությունը, կողմերը պայմանավորվել են, որ Քուրդիստանից նավթի մատակարարման հետ կապված բոլոր հարցերը պաշտոնական Անկարան քննարկելու է միայն պաշտոնական Բաղդադի հետ: Բինալի Յըլդըրըմը ևս մեկ անգամ ընդգծել է, որ Թուրքիան չի ընդունում Իրաքյան Քուրդիստանի անկախության հանրաքվեի արդյունքները՝ շարունակելով հանդես գալ հօգուտ Իրաքի տարածքային ամբողջականության:

Zham.am