Մենք չենք կարող որոշել ԼՂ-ի փոխարեն, իրենք պետք է զբաղվեն ԼՂ հարցով, մենք էլ պետք է իրենց աջակցենք. Փաշինյան. Տեսանյութ
Մենք այսօր առաջնային ենք համարում Լեռնային Ղարաբաղի հայության անվտանգության եւ իրավունքների հարցը, եւ կարեւոր ենք համարում, որ ԼՂ ժողովուրդը լինի այն սուբյեկտը, որը խոսի այդ բոլոր թեմաների մասին: Այս մասին այսօր՝ հունվարի 10-ին մամուլի ասուլիսի ժամանակ նշեց ՀՀ վարչապետ Նիկոլ Փաշինյանը:
«Իրենք պետք է որոշումներ կայացնեն, մենք էլ կաջակցենք մեզ հասու բոլոր հնարավոր միջոցներով: Մենք այսօր աջակցում ենք հումանիտար, ֆինանսական հարցերով, ինչով կարողանանք, կաջակցենք: Մեր դիրքորոշումը միշտ եղել է դա: Մենք կարծում ենք, որ խնդիրներից մեկը, որ էական ազդեցություն է ունեցել հետագա իրադարձությունների վրա այն է, որ մենք ԼՂ ժողովրդին բանակցություններից դրել ենք մի կողմ, ասել ենք՝ մենք կորոշենք իրենց փոխարեն: Ոչ, մենք չենք կարող որոշել իրենց փոխարեն, մենք պետք է զբաղվենք Հայաստանի հարաբերությունների հարցերով, ԼՂ ժողովուրդը եւ ժողովրդի ներկայացուցիչները պետք է զբաղվեն ԼՂ հարցով, մենք էլ պետք է իրենց աջակցենք»,-ասաց նա:
Հետևեք մեզ Facebook-ում