«Իր գործողություններով Հայաստանը վտանգ է ներկայացնում տարածաշրջանում խաղաղության համար». Թուրքիայի ԱԺ նախագահ

«Իր գործողություններով Հայաստանը վտանգ է ներկայացնում տարածաշրջանում խաղաղության համար»,- հայտարարել է Թուրքիայի Ազգային մեծ ժողովի նախագահ Մուստաֆա Շենթոփն Ադրբեջանի Միլլի Մեջլիսի նախագահ Սահիբա Գաֆարովայի հետ հանդիպման ժամանակ։ Այս մասին հայտնում է թուրքական Anadolu լրատվական գործակալությունը:

Նա նաև մտահոգություն է արտահայտվել հետկոնֆլիկտային շրջանում Երևանի ապակառուցողական գործողությունների վերաբերյալ։ Շենթոփը Գաֆարովայի հետ պայմանավորվել է նաև այս հարցը մտցնել միջազգային կառույցների օրակարգ։

Մուստաֆա Շենթոփն ընդգծել է, որ Անկարան հայկական կողմից ակնկալում է «Ռուսաստանի Դաշնություն-Ադրբեջան-Հայաստան» եռակողմ պայմանագրերով ստանձնած պարտավորությունների կատարումը։

Zham.am