Կարեն Կարապետյանը նոր որոշումներ է ընդունել

ՀՀ վարչապետ Կարեն Կարապետյանը 2012 թվականի մարտի 20-Ի N 233-Ն որոշման մեջ փոփոխութւյուններ կատարելու մասին: Հիմք ընդունելով Հայաստանի Հանրապետության կառավարության 2014 թվականի օգոստոսի 14-ի N 883-Ն և Հայաստանի Հանրապետության կառավարության 2014 թվականի օգոստոսի 14-ի N 888-Ն որոշումները՝ 1. Հայաստանի Հանրապետության վարչապետի 2012 թվականի մարտի 20-ի «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի «Ջրային տնտեսության ծրագրերի իրականացման գրասենյակ» և «Արփա-Սևան» թունելի վերականգնման ծրագրերի իրականացման գրասենյակ» պետական հիմնարկների աշխատողների թիվը հաստատելու մասին» N 233-Ն որոշման մեջ կատարել հետևյալ փոփոխությունները՝ 1) որոշման վերնագրում և 1-ին կետում «տարածքային կառավարման» բառերը փոխարինել «էներգետիկ ենթակառուցվածքների և բնական պաշարների» բառերով. 2) 1-ին կետի 1-ին ենթակետում «37» թիվը փոխարինել «52» թվով. 3) ուժը կորցրած ճանաչել 1-ին կետի 2-րդ ենթակետը: 2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: Մեկ այլ որոշմամաբ՝ Հայաստանի Հանրապետության կառավարությունը, ղեկավարվելով Հայաստանի Հանրապետության կառավարության 1999 թվականի դեկտեմբերի 22-ի N 765 որոշմամբ հաստատված կանոնակարգի 11-րդ կետով՝ ո ր ո շ ո ւ մ է. 1. Ստեղծել Հայաստանի Հանրապետության և Վերակառուցման և զարգացման միջազգային բանկի միջև կնքված «Հայաստանի տնային տնտեսությունների կենսապայմանների ամբողջացված հետազոտության ընդլայնում» TF0A3852 դրամաշնորհային ծրագրի կառավարման խորհուրդ և հաստատել դրա անհատական կազմը` համաձայն N 1 հավելվածի: 2. Հաստատել Հայաստանի Հայաստանի Հանրապետության և Վերակառուցման և զարգացման միջազգային բանկի միջև կնքված «Հայաստանի տնային տնտեսությունների կենսապայմանների ամբողջացված հետազոտության ընդլայնում» TF0A3852 դրամաշնորհային ծրագրի կառավարման խորհրդի կանոնադրությունը` համաձայն N 2 հավելվածի: 3. Սույն որոշման 1-ին կետում նշված ծրագրի` 1) տեխնիկական առաջադրանքի պայմանների, ծրագրի մշակման աշխատանքների կատարման մասին հաշվետվությունների նախապատրաստման, տեղացի և օտարերկրյա փորձագետների համար անհրաժեշտ աշխատանքային պայմանների ստեղծման, ինչպես նաև Համաշխարհային բանկի հայաստանյան գրասենյակի հետ ծրագրի ընդհանուր կազմակերպչական հարցերի լուծման լիազորությունները վերապահել Հայաստանի Հանրապետության ազգային վիճակագրական ծառայության աշխատակազմին. 2) ֆինանսական կառավարման և ապրանքների (սարքավորումների) ու ծառայությունների գնումների իրականացման լիազորությունները վերապահել Հայաստանի Հանրապետության ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկին: