Պակիստանցի «ուսանողներ» ցանկություն են հայտնել միանալու Լաչինի միջանցքն արգելափակած ադրբեջանցիներին

Լաչինի միջանցքում ադրբեջանցիների շրջափակմանը միանալու ցանկություն են հայտնել պակիստանցի «ուսանողներ»։ Այդ մասին Թվիթերի իր միկրոբլոգում գրել է ֆրանսիական «Le Figaro» պարբերականի փոխտնօրեն Ժան-Քրիստոֆ Բուիսոնը։

«Արցախում հայերի համար վատ լուրեր են կուտակվում։ Երեկ՝ դեկտեմբերի 26-ին, ռուսները ոչ միայն չեն ազատել Լաչինի միջանցքը, այլև պակիստանցի խորհրդավոր «ուսանողներ» հայտարարել են, որ ցանկանում են միանալ ադրբեջանցի ակտիվիստներին՝ ուժեղացնելու շրջափակումը»,-գրել է Բուիսոնը։

Բնապահպանական պատրվակով արդեն 16 օր է, ինչ մի խումբ ադրբեջանցիներ Լաչինի միջանցքը փակ են պահում։ Այս պահին Ստեփանակերտում սննդի, դեղորայքի, վառելիքի պակաս կա, ավելի քան 1000 արցախցիներ, այդ թվում՝ երեխաներ, չեն կարողանում ՀՀ-ից վերադառնալ իրենց բնակավայրեր։

Աղբյուր՝ 24news.am