Դմիտրի Պեսկովը պատասխանել է Փաշինյանին

Ռուսաստանյան խաղաղապահները Լեռնային Ղարաբաղում անում են հնարավոր ամեն ինչ խաղաղության և կարգուկանոնի ապահովման համար։ Նրանք գործում են համաձայնագրերի ոգուն և տառին համապատասխան։ Այս մասին հայտարարել Է ՌԴ նախագահի մամուլի քարտուղար Դմիտրի Պեսկովը:

«Մենք, անշուշտ, մեր հայ գործընկերների և դաշնակիցների հետ կշարունակենք քննարկել այդ թեման», - ասաց Պեսկովը։

Հիշեցնենք, որ Նիկոլ Փաշինյանն այսօր կառավարության նիստի ժամանակ ասել էր, որ փաստացի չի կատարվում 2020թ–ի եռակողմ հայտարարության` Լաչինի միջանցքը ՌԴ խաղաղապահների հսկողության տակ պահելու դրույթը։

Սակայն քաղաքագետ Էդգար Էլբակյանը անդրադառնալով 2020թ. եռակողմ հայտարարության դրույթներին նշել է.

«•Կապիտուլյացիայի 5-րդ կետով ֆիքսված է խաղաղապահների պարտականությունը, այն է՝ «հրադադարի վերահսկում»։ Նրանք դա գրեթե միշտ հասցեական անում են, երբ Ադրբեջանը խախտում է զինադադարը։ Փառուխի ժամանակ անգամ նշել էին, որ «Բայրակթարներ» են կիրառվել։

•Կապիտուլյացիայի 6-րդ կետով Ադրբեջանի վրա է պատասխանատվություն դրված ապահովելու «Լաչինի միջանցքով քաղաքացիների, տրանսպորտային միջոցների և բեռների երկկողմանի անցման անվտանգությունը երաշխավորելու»։

Zham.am