Թուրքական Milliyet մերձիշխանական պարբերականը ահազանգում է, որ Իրանը խոչընդոտում է ոչ միայն «Զանգեզուրի միջանցքի» հարցում, այլև կարող է Հայաստանին ԱԹՍ-ներ մատակարարի

Թուրքական «Milliyet»-ի հրապարակած հոդվածում նշվում է, որ Թեհրանը, հնարավոր է, ԱԹՍ-ներ մատակարարի Երևանին: «Իրանը փորձում է արգելափակել Բաքվի ու Երևանի միջև «խաղաղության բանակցությունները»` քաջալերելով Հայաստանին։ Թեհրանի վարչակազմը երբեք չի թաքցրել իր անհանգստությունը «Զանգեզուրի միջանցքի» նախագծից»,- գրում է թերթը:

Հոդվածում ներկայացվել է նաև ադրբեջանցի քաղաքական վերլուծաբան Ֆուադ Շահբազովի դիտարկումը, ըստ որի՝ Իրանը, հնարավոր է, Երևանին կմատակարարի «Şahid-136» ԱԹՍ-ներ՝ նպատակ ունենալով խզել Թուրքիա-Ադրբեջան առանցքը։

Թուրքական «Milliyet»-ն անդրադառնում է նաև ամերիկյան «Forbes«-ին, որը նոյեմբերի վերջին նույնպե գրել էր, որ իրանական անօդաչու թռչող սարքեր կարող է գնել ոչ միայն Հայաստանը, այլև Սերբիան, որը վերջին շաբաթների ընթացքում ավելի ու ավելի է ներգրավվում Կոսովոյի շուրջ հակամարտության մեջ։

Zham.am