ՔՊ-ական պատգամավորների երևակայությունը սահմաններ չունի. Մհեր Մելքոնյան

Վերջին օրերին ԱԺ-ի` «ժողովրդի վստահությունը վայելող» խմբակցության ներկայացուցիչներն իրար հերթ չտալով՝ հարցազրույցներ են տալիս ու հավաստիացնում մեր քաղաքացիներին, թե որքան շատ են սիրում Արցախը։

Այս իշխանությունները, որին մաս եք կազմում նաև Դուք՝ պարոն նախկին մարզպետ, ծրագրավորված և դավադրորեն մեր երկիր պատերազմ բերեցիք։ Այս օրերին էլ, օգտվելով ՀՀ-ի խարդախ, վախկոտ, հակազգային իշխանությունների անկարողությունից, թուրք-ադրբեջանական տանդեմը հերթական քայլերն է  նախաձեռնում՝ փորձելով ապահովել Հայաստանը և Արցախը վերջնականապես ծնկի բերելու գործընթացը։

-մեր տարածքային ամբողջականության խաթարում,

- հայկական բանակի կազմաքանդում,

-իշխանության  բացարձակ բռնազավթում,

-դեմ եք օգտագործել Արցախի Հանրապետություն ձևակերպումը,

-դեմ եք Արցախի ժողովրդի ինքնորոշման իրավունքի իրացմանը,

-անվերջ պարգևավճարներ,

-ազգային արժեքների ու կառույցների վարկաբեկում,

Ցանկը վերջ չունի․․․

Վերջին չորս տարիների ընթացքում Հայաստանը  վերածվեց  միապետության ՝ բռնության բոլոր ատրիբուտներով, ցանկացած այլախոհության ճնշմամբ, հակազգային տարրերին աջակցելով և սեփական բնակչության դեմ պատերազմ սանձազերծելով։  Նրանց ձեռքերով իրագործվում է մեր թշնամիների գլխավոր նպատակը ՝ Հայաստանի վերջնական ոչնչացումը։

Իսկ Արցախը, հակառակ Ձեր ՔՊ-ական խմբակի ցանկության, երբեք Ադրբեջանի կազմում չի լինելու։

Ու լավ հիշեք, անպատվաբեր խաղաղության գինը շատ ծանր է լինելու․․․․

Մհեր Մելքոնյան

ՀՅԴ Շիրակի մարզային կոմիտեության ներկայացուցիչ

Yerkir.am