Ադրբեջանը փորձում է քրքրել Արցախի ընդերքը և նոտա է ուղարկել Մոսկվա. Ստեփանակերտում քննարկումներ են. Տեսանյութ

Մինչև այսօրվա սադրանքը և այն բանից հետո, որ ադրբեջանցիները չէին կարողացել մտնել Կաշենի, Դրմբոնի հանքավայրեր, նրանք բողոքի նոտա էին հղել ռուսական կողմին: Ադրբեջանի ԱԳՆ-ն կոչ էր արել ապահովել ադրբեջանցի, այսպես կոչված, բնապահպանների մուտքը խաղաղապահների տեղակայման տարածք։ Շաբաթ օրը նրանք, հիմք ընդունելով խաղաղապահ զորակազմի հրամանատարությանը նախապես ուղղված գրությունը, հանքավայրեր էին գնացել՝ իբրև թե մոնիթորինգ իրականացնելու նպատակով, բայց ստիպված նորից վերդարձել էին Շուշի:

Հանքերի անվտանգության աշխատակիցները նրանց արգելել էին ներս մտնել՝ հայտնելով, որ այցը համաձայնեցված չէ Արցախի իշխանության և հանքերը շահագործող ընկերությունների հետ: