Ադրբեջանցի «բնապահպանները» կրկին մայրուղի են դուրս եկել՝ հանդիպում են պահանջում գեներալ Վոլկովի հետ. Տեսանյութ, ֆոտոշարք, Թարմացվում է

12 Դեկտեմբեր, 2022 11:01

Դիտել նաև

Ադրբեջանում անհանգիստ են Ադրբեջանը սկսել է երեք նոր կամիկաձե անօդաչուների արտադրությունը Ադրբեջանը թարմացրել է 44-օրյա պատերազմում անհետ կորածների թիվը Ադրբեջանն առաջին անգամ ապրանք է ներմուծել Հայաստանից Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է

Այսօր՝ դեկտեմբերի 12-ին, Շուշիում ադրբեջանցի «ակտիվիստներն ու բնապահպանական հասարակական կազմակերպությունների անդամները» բողոքի ակցիա են անցկացնում մայրուղու մի հատվածում, որը վերահսկվում է ռուս խաղաղապահների կողմից՝ պահանջելով «դադարեցնել էկոլոգիական տեռորը Ղարաբաղում»։

Ակցիայի մասնակիցները տարածքում վրաններ են տեղադրել։ «Ցուցարարները» պահանջում են, որ տարածք գա ռուսական խաղաղապահ ուժերի հրամանատար, գեներալ-մայոր Անդրեյ Վոլկովը։

Հիշեցնենք՝ դեկտեմբերի 3-ին ևս Շուշի-Քարին տակ խաչմերուկի հատվածում քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել էին Ստեփանակերտ-Գորիս մայրուղին։

***

Քաղաքացիական հագուստներով մի խումբ ադրբեջանցիներ, կրկին բնապահպանական պատճառաբանությամբ, դեկտեմբերի 12-ի առավոտյան ժամը 10:30-ի հատվածում փակել են Ստեփանակերտ-Գորիս մայրուղին: Այս մասին հայտնում է Արցախի տեղեկատվական շտաբը:

Միջադեպի վերաբերյալ պատշաճ տեղեկացված է Արցախում տեղակայված ռուսական խաղաղապահ զորակազմի հրամանատարությունը:

Նշվում է, որ անընդունելի համարելով ադրբեջանական կողմի ագրեսիվ ու ապակառուցողական վարքը՝ Արցախի լիազոր պետական մարմինները ձեռնարկում են բոլոր հնարավոր միջոցները իրավիճակի կարգավորման ուղղությամբ՝ կապ պահելով ռուսական խաղաղապահ զորակազմի հրամանատարության հետ:

«Հորդորում ենք քաղաքացիներին ցուցաբերել հանդարտություն և հետևել պաշտոնական լրահոսին՝ զերծ մնալով չստուգված տեղեկությունների տարածումից: Իրավիճակի զարգացումների վերաբերյալ լրացուցիչ տեղեկատվություն կտրամադրվի»,-ասված է հաղորդագրության մեջ։

«Արմենպրես»-ի թղթակցի հետ զրույցում Արցախի Հանրապետության Ներքին գործերի նախարարության արտակարգ իրավիճակների պետական ծառայության մամուլի խոսնակ Հունան Թադևոսյանը հայտնեց, որ ճանապարհն այս պահին երկկողմանի փակ է:

«Մի խումբ ադրբեջանցիներ բնապահպանական պատճառաբանությամբ փակել են միջպետական ավտոճանապարհի Շուշիի հատվածը»,-ասաց Թագևոսյանը:

Ադրբեջանցիները նույն պատճառաբանությամբ Արցախը Հայաստանին կապող մայրուղին փակել էին նաև դեկտեմբերի 3-ին:

Zham.am