«Պատերազմով գրավեցինք Շուշին, խաղաղությամբ կգրավենք Երևանը». ադրբեջանցի պատգամավորի հայտարարությունը
Ադրբեջանի խորհրդարանի մարդու իրավունքների հարցերով հանձնաժողովի նախագահ Զահիդ Օրուջը հերթական սկանդալային հայտարարությունն է արել։
«Ժողովուրդները չեն կարող հավերժ ապրել թշնամության և պատերազմի պայմաններում։ Մենք պատերազմով գրավեցինք Շուշին, խաղաղությամբ կգրավենք Երևանը», ասաց նա Միլի Մեջլիսում ելույթի ժամանակ։
Նույն պատգամավորը նախկինում հայտարարել էր, որ Մոսկվայում, Բրյուսելում, Սոչիում և Պրահայում կայացած բանակցությունները ցույց են տվել, որ մոդերատորներին ոչ թե խաղաղություն է պետք, այլ գերիշխանություն Կովկասում։ «Ուստի Հայաստանին Իրանի, Ռուսաստանի, Ֆրանսիայի և Ամերիկայի ձեռքից «վերցնելը» շատ կարևոր խնդիր է»,- ասաց նա։
Օրուջը նաև նշել է, որ Ադրբեջանի նախագահ Իլհամ Ալիևի, Թուրքիայի առաջնորդ Ռեջեփ Թայիփ Էրդողանի և Նիկոլ Փաշինյանի հանդիպումը երեք երկրների մայրաքաղաքներում (Բաքու, Անկարա, Երևան) միակ ելքն է։
Zham.am
Հետևեք մեզ Facebook-ում