Նալբանդյանի սենսացիոն հայտարարությունը` Ղարաբաղի երեք տարածքներ Ադրբեջանին վերադարձելու մասին

Հայաստան - Սփյուռք համաժողովին Էդվարդ Նալբանդյանը, կարելի է ասել, սենսացիոն հայտարարությունով հանդես եկավ` նշելով, թե բանակցություններ են վարվում Ղարաբաղի շուրջ`  երեք տարածքների Ադրբեջանին վերադարձման մասին:

Ճիշտ է, նա ասաց, որ այլ դետալներ չի մանրամասնի, որ չվնասի բանակցային գործընթացին, սակայն ակնհայտորեն Նալբանդյանի խոսքերից պարզ դարձավ, որ բանակցությունների առարկան բացառապես տարածքների վերադարձն է` առանց Լեռնային Ղարաբաղի կարգավիճակի հստակեցման: 

Ուշադրություն դարձնենք Նալբանդյանի այն խոսքերին, որտեղ նա նշում է, որ եթե Ադրբեջանը կրկին պատերազմ վերսկսի Ղարաբաղում, ապա Հայաստանը կճանաչի Լեռնային Ղարաբաղի անկախությունը:

Այստեղ տրամաբանական հետևություն կարելի է անել, որ բանակցությունների առարկա տարածքների վերադարձը շաղկապված չէ Լեռնային Ղարաբաղի ապագա կարգավիճակի հետ:

Սա իրոք սենսացիոն հայտարարություն է, որտեղ Հայաստանի գործող իշխանությունները հենց Հայաստան - Սփյուռք համաժողովի ժամանակ է հայտարարում Ադրբեջանին զիջումների մասին: 

Իսկ թե ինչո՞ւ հենց այս համաժողովին է հնչում այս հայտարարությունը, կներկայացնենք մեր մյուս վերլուծության մեջ:

Արտակ Հակոբյան