Ալիևը կրկին սպառնում է Հայաստանին պատերազմով, խոստովանում է, որ 2020 թ. ագրեսորը եղել է Ադրբեջանը, իսկ Մոսկվային մեղադրում է Ռուբեն Վարդանյանին Արցախ ուղարկելու մեջ

Ադրբեջանի նախագահ Իլհամ Ալիևը հայտարարել է, որ Բաքուն պատրաստ է խոսել «Ղարաբաղում ապրող հայերի հետ, բայց ոչ այնպիսի մարդկանց, ինչպիսին Մոսկվայի կողմից ուղարկված Վարդանյանն է»: Այս մասին գրում է ԱՊԱ գործակալությունը:

«Մենք պատրաստ ենք խոսել Ղարաբաղում ապրող հայերի հետ, բայց ոչ այնպիսի մարդկանց, ինչպիսին Մոսկվայի կողմից ուղարկված Վարդանյանն է, և ում գրպանում գողացված միլիարդներ են ռուս ժողովրդից: Նա ուղարկվել է շատ հստակ օրակարգով»,- ասել է Ալիևը։

Ալիևն այս մասին ասել է՝ ընդունելով Արևելյան գործընկերության հարցերով ԵՄ հատուկ բանագնաց Դիրկ Շյուբելի գլխավորած պատվիրակությանը։

Միաժամանակ, Ադրբեջանի նախագահ Իլհամ Ալիևը Հայաստանի ղեկավարությունից պահանջել է հստակ դիրքորոշում` խաղաղության պայմանագրի վերաբերյալ։

«Նրանք ցանկանում են խաղաղության պայմանագրում ներառել «Ադրբեջանում հայկական փոքրամասնության» հետ կապված հարցեր։ Դա տեղի չի ունենա։ Դա անհնար է: Մենք սրան չենք համաձայնի։ Ուստի մեզ անհրաժեշտ է Հայաստանի կառավարության շատ հստակ դիրքորոշում իր օրակարգի վերաբերյալ։ Ես վերջերս ասացի, եթե իրենք խաղաղություն են ուզում, մենք էլ խաղաղություն ենք ուզում։ Եթե ​​նրանք խաղաղություն չեն ուզում, ապա դա իրենց ընտրությունն է։ Մենք երեսուն տարի խաղաղություն չունենք, և Հայաստանը չպետք է մոռանա, թե դա ինչպես ավարտվեց»։

Ալիեւը մեկնաբանել է նաեւ վերջին օրերին Հայաստանի իշխանությունների ներկայացուցիչների հայտարարությունները:

«Եթե այս երկիրը [Հայաստանը - խմբ.] խաղաղություն է ուզում, պետք է դադարեցնի իր շատ վտանգավոր հռետորաբանությունը։ Հայ պաշտոնյաները վերջերս Ադրբեջանը համեմատել են ԴԱԻՇ-ի և Ալ-Քաիդայի հետ: Իմ կարծիքով, սա շատ վտանգավոր հռետորաբանություն է։ Նախ, նրանք իրենք են հանդես եկել որպես ԴԱԻՇ և Ալ-Քաիդա: ԵՄ դեսպաններն այցելել են «Ադրբեջանի ազատագրված շրջաններ»: Հայերը պատմական և կրոնական ժառանգությանը վերաբերվել էն այնտեղ այնպես, ինչպես ԴԱԻՇ-ն ու Ալ-Քաիդային: Ոչ թե մենք, այլ նրանք ահաբեկչական գործողություններ էն կատարել։ Նրանք ցեղասպանություն են իրականացրել։ Նրանք քանդեցին մեր մզկիթները»:

Zham.am