«Նոր ալիք»-ում Հայաստանը ներկայացնող երկու երգչուհիներից Էռնա Միրը երկու միլիոն ռուբլի կստանա. Armeniasputnik.am

«Նոր ալիք» երգի մրցույթում Հայաստանը ներկայացնող երկու երգչուհիներից մեկը` Էռնա Միրը, երկու միլիոն ռուբլի կստանա (մոտավորապես 16 միլիոն դրամ)։ Այս մասին հայտնում է ՌԻԱ Նովոստին։

Մրցույթի փակման արարողության ժամանակ կազմակերպիչները հայտնեցին, որ «Նոր ալիք» մրցույթի այս տարվա հաղթող երեք արտիստը կկիսեն մրցանակային ֆոնդը, որը կազմում է վեց միլիոն ռուբլի։

Էռնան 362 միավորով առաջին տեղը կիսեց Ուզբեկստանի (Սարդոր Միլանո) և Մոլդովայի (DoReDoS խումբ) ներկայացուցիչների հետ։

Նշենք, որ երկրորդ տեղը զբաղեցրել է Հայաստանի մեկ այլ ներկայացուցիչ` Սյուզաննա Մելքոնյանը։
«Նոր ալիք» մրցույթն անցկացվում էր Սոչիում սեպտեմբերի 8-14-ն ընկած ժամանակահատվածում։

Մանրամասները` Armeniasputnik.am-ում