«Գեղցիական շուստրիությամբ Արևմուտքին մի բան է ասում, ՌԴ-ին` այլ»․ Աղվան Վարդանյան. Տեսանյութ
ԱԺ «Հայաստան» խմբակցության պատգամավոր Աղվան Վարդանյանը 24TV-ի եթերում խոսել է այսօրվա իշխանությունների վարած քաղաքականության մասին․ «Զառանցանք է Հայաստանի ներկայիս քաղաքականությունը ինքնիշխան համարելը, քանի որ ՀՀ-ն երբեք այսքան թույլ ու անպաշտպան չի եղել, քան հիմա»։
Անդրադառնալով Սոչիում կայացած Փաշինյան-Պուտին-Ալիև եռակողմ հանդիպման արդյունքում տարածված հայտարարությանը՝ պատգամավորը նկատել է․ «Գուցե պետական քարոզչությունը փորձում է հայտարարությունը ներկայացնել չեզոք մի բան, բայց ակնհայտ է, որ սա հերթական սուբյեկտ չլինելու վկայությունն է. գեղցիական շուստրիությամբ այս մարդը հենց տեսնում է խնդիր կա՝ Արևմուտքին մի բան է ասում, ՌԴ-ին` այլ։ Ադրբեջանում բռնապետ է, Հայաստանում՝ բռնապետիկ․ սա է տարբերությունը։ Հայկական դիվանագիտությունը մեկ մարդու իշխանություն է, որը այսօր մեկ բան է անում․ փորձում է ընդամենը խաղալ ուժային երկու կենտրոնների միջև և երկարաձգել իր իշխանությունը»։
Հետևեք մեզ Facebook-ում