ՔԿ-ն կադրեր է հրապարակել Պեմզաշենում մոր և երեխաների դաժան սպանության դեպքի վայրից
ՀՀ քննչական կոմիտեն անդրադարձել է երեկ Շիրակի մարզի Պեմզաշեն համայնքում տեղի ունեցած մոր և 2 անչափահաս երեխաների՝ առանձնակի դաժանությամբ սպանությանը: Կոմիտեն կադրեր է հրապարակել դեպքի վայրից՝ տան ննջասենյակից, որտեղ հայտնաբերվել էին 3 դիերը:
Նշվում է, որ ՀՀ քննչական կոմիտեի Շիրակի մարզային քննչական վարչությունում ձեռնարկվում են անհրաժեշտ միջոցառումներ՝ Պեմզաշեն գյուղի բնակչուհու և վերջինիս երկու երեխաների սպանության դեպքը բացահայտելու ուղղությամբ:
Քննիչների կողմից կատարվել է դեպքի վայրի զննություն, որի ընթացքում հայտնաբերվել են արնանման հետքեր, վերցվել են փորձանմուշներ, տուժողների մարմնական վնասվածքների բնույթը, ծանրության աստիճանը, առաջացման մեխանիզմը և մի շարք այլ հանգամանքներ պարզելու նպատակով նշանակվել են դիակների դատաբժշկական փորձաքննություններ:
Ձեռնարկվում են միջոցառոմներ՝ դեպքի հանգամանքները, հանցագործություն կատարած անձի ինքնությունը և մի շարք այլ հանգամանքներ պարզելու ուղղությամբ։ Հետաքննության մարմնին տրվել են հանձնարարություններ:
Հետևեք մեզ Facebook-ում