Կովկասի մահմեդականների վարչության ղեկավարի բիզնեսը Չեխիայում (լուսանկարներ)

Լրատվամիջոցներում բազմիցս տեղեկություններ էին հրապարակվել այն բանի մասին, որ Կովկասի մահմեդականների վարչության ղեկավար Ալաշուքյուր Փաշազադեն խոշոր գործարար է:

Սակայն ինքը, իր հերթին, հայտարարություններից մեկում կտրականապես հերքել էր այդ տեղեկությունները:

«Որոշ դեպքերում իմ անունը կապում են ապակու, մետաղյա կցամասերի, խնձորի, սոխի և կարտոֆիլի իրացման հետ: Սակայն այդ ամենը չի համապատասխանում իրականությանը: Եթե այդ մասին խոսում են, ապա պետք է ապացույցներ ներկայացնեն», - հայտաարրել է Փաշազադեն: 

Մինչդեռ, ըստ ադրբեջանական որոշ լրատվամիջոցների և համացանցում հայտնված տեղեկությունների՝ Կովկասի մահմեդականների վարչության ղեկավարը հանդիսանում է Չեխիայի խոշորագույն զբոսաշրջային կենտրոններից մեկում՝ Կարլովի Վարիում գործող բիզնեսի սեփականատեր:

Ըստ աղբյուրի՝ «AYNUR KV» ընկերության համասեփականատերն է նաև ոմն 36-ամյա Մարկետա Շպիշակովան, որը, սակայն, ոչ մի ներդրում չի ունեցել Ալաշուքյուր Փաշազադեի և Միլլի Մեջլիսի պատգամավոր Ջավանշիր Փաշազադեի համատեղ ջանքերով հիմնադրած բիզնեսում: 

Նշվում է, որ կազմակերպությունը, որը գրանցված է Škroupova 2077/19, 36001, Karlovy Vary հասցեով, և որի տարեկան եկամուտը, ըստ պաշտոնական փաստաթղթերի՝ կազմում է 1 մլն կրոնա, զբաղվում է ավտոմեքենաների վարձույթով և լիզինգով, ինչպես նաև անշարժ գույքի առք/վաճառքով:

 Ալաշուքյուր Փաշազադեի շքեղ առանձնատունը Կարլովի Վարիում

Zham.am