Սաակաշվիլին Լվովում դուրս է եկել հյուրանոցից և չի՞ վերադարձել. Մամուլ

Վրաստանի նախկին նախագահ և ուկրաինական Օդեսայի նախկին նահանգապետ Միխեիլ Սաակաշվիլին անհետացել է Ուկրաինայի Լվով քաղաքում գտնվող հյուրանոցից, որտեղ ապաստանել էր, գրում է tsn.ua-ն: Լուրը հաստատվել է հյուրանոցի աշխատակիցների կողմից:

Նշվում է, որ Սաակաշվիլին այս գիշեր նստել է մեքենան ու ուղևորվել անհայտ ուղղությամբ:

Հյուրանոցում հավաքվել են բազմաթիվ մարդիկ. այնտեղ են եղել նաև նրա թիկնապահներն ու աջակիցները: Գիշերով նրանք դուրս են եկել փողոց ու մեքենաներ նստել, սակայն ժամեր անց վերադարձել են, իսկ Սաակաշվիլին՝ ոչ:

Հիշեցնենք, որ սեպտեմբերի 10-ին Սաակաշվիլին ոտքով հատել է լեհ-ուկրաինական սահմանային անցակետը և մուտք գործել Ուկրաինա։

Ուկրաինայի նախագահ Պյոտր Պորոշենկոն Սաակաշվիլիին զրկել է քաղաքացիությունից՝ պատճառաբանելով, որ նա ոչ հավաստի տվյալներ է ներկայացրել այն ստանալիս:

Աղբյուր