Կեցցե՛ Հայաստանը, կեցցե՛ Իրանը, կեցցե՛ երկու երկրների բարեկամությունը․ Իրանի արտգործնախարարի ելույթը Կապանում
Կապանում գլխավոր հյուպատոսություն հիմնելու ԻԻՀ-ի կառավարության որոշումը դրսևորումն է այն կարևորության, որ Իրանի կառավարությունը և ժողովուրդը տալիս է Իրանի և Հայաստանի հազարամյա հարաբերություններին։ Այս մասին Սյունիքի մարզկենտրոն Կապանում Իրանի գլխավոր հյուպատոսության բացման ժամանակ ասաց Իրանի արտգործնախարար Հոսեյն Ամիր Աբդոլլահիանը։
«Իրանը Հայաստանի և տարածաշրջանի անվտանգությունը համարում է իր անվտանգությունը։ Մեր քաղաքականությունն է՝ հարգել տարածքային ամբողջականությունը և միջազգային ճանաչված սահմանները»,-ասաց արտգործնախարարը։
Աբդոլլահիանը ընդգծեց երկու երկրների միջև առևտրատնտեսական հարաբերությունները առավել զարգացնելուն ուղղված քայլերը։
«Սյունիքի մարզը համարվում է Հյուսիս-հարավ ճանապարհի կարևորագույն հատվածներից մեկը, մենք Հայաստանը համարում ենք հյուսիս-հարավ մայրուղում գտնվող կարևորագույն երկրներից մեկը և մեր առավելագույն ջանքերը կգործադրենք, որպեսզի այս ապրանքափոխադրումները և ուղևորափոխադրումները այս տարանցիկ ուղիով ավելի զարգանան, կեցցե՛ Հայաստանը, կեցցե՛ Իրանը, կեցցե՛ երկու երկրների բարեկամությունը»,- ասաց Իրանի արտգործնախարարը։
Աղբյուր՝ tert.am
Հետևեք մեզ Facebook-ում