Ե՞րբ է Արևիկ Պետրոսյանն առաջարկելու «Էրիվանում» Թալեաթ փաշայի հուշարձանը կանգնեցնել

 

Հոկտեմբերի 20-ին հայկական մամուլում տեղեկություն հրապարակեց, որ տխրահռչակ «Էրատո» ջոկատի անդամ Արևիկ Պետրոսյանը հայտարարել է, որ Արցախում պետք է հուշարձան կանգնեցվի ի պատիվ նախագահ Արայիկ Հարությունյանի։Դրանից հետո նա գովել է իր շեֆ Նիկոլ Փաշինյանին՝ վարած «փայլուն քաղաքականության» համար։

 

Փաստորեն «Նոր Հայաստան ու Արցախ» կառուցող Արևիկ Պետրոսյանի համար հաջողակ քաղաքական գործիչներն այն մարդիկ են, ովքեր երկիրը հանձնում են, պատերազմում պարտվում, իրենց գործողություններով հազարավոր զոհեր են բերում մեր փոքր ազգի համար, հանձնում են մեր վերահսկողության տակ գտնվող հողերի 70 տոկոսը վտանգելով Արցախի բնակիչներին՝ նոր ցեղասպանության դուռ բացելով: 

 

Արաևիկ Պետրոսյանին դուր են գալիս նաև այն գործիչները, ովքեր փչացնում են հայ-ռուսական հարաբերությունները, ովքեր փորձում են Հայաստանը դուրս բերել Ռուսաստանի ազդեցության տակից, որպեսզի մենք դեմ առ դեմ մնանք Թուրքիայի հետ։ Այսինքն՝ անում են այն ամենը, ինչի մասին երազում էին երիտթուրքերը 100 տարի առաջ։ Միևնույն ժամանակ, այսօր էլ մենք հիանալի գիտենք, թե ինչ նպատակներ ունեն Թուրքիան և Ադրբեջանը Հայաստանի հետ կապված, և ինչի մասին բացահայտ խոսում է Իլհամ Ալիևը, ում համար ոչ միայն Արցախը հայկական չէ, այլև հայկական Երևան գոյություն չունի։

 

Այս համատեքստում զարմանալի չի լինի, եթե «Արևիկ» անունով և «Պետրոսյան» ազգանունով անձը, որը, ի դժբախտություն հայ ժողովրդի, պատգամավոր է, վաղը առաջարկի Թալեաթ փաշայի հուշարձանը կանգնեցնել Էրիվան դարձաց Երևանում։

 

Իհարկե, այսքանից հետո Էրդողանի օգնականը ոչ միայն Նիկոլով, այլև Արևիկ Պետրոսյանով է հիանալու։ Մեզ համար, հայերիս համար ամոթ պիտի լինի, որ մենք ապրում ենք նման մարդկանց կողքին։ Ամոթից գետնի տակ մտնելը մեզ քիչ կլինի, քանի որ ամբողջ աշխարհը ծիծաղում է մեզ վրա այս ամոթալի վիճակի պատճառով։