Պուտինը Խերսոնի և Զապորոժիեի մարզերում, ԼԺՀ-ում և ԴԺՀ-ում ռազմական դրություն է հայտարարել. Տեսանյութ
Դիտել նաև
Ամերիկյան Foreign Policy-ն կանխատեսում է, որ Ուկրաինան խոշոր պարտություն է կրելու մոտ ժամանակներս
«Ես կնոջ ազգանուն վերցնո՞ղ տղա եմ». Վլադիմիր Վարդանյան
Փաշինյանն ու Պուտինը համակարծիք չեն ՌԴ-ՀՀ ապրանքաշրջանառության տվյալների հարցում (տեսանյութ)
Ամերիկյան ԶԼՄ-ները լայնորեն լուսաբանեցին Պուտինի պատասխանները Թրամփին
Նախատեսվում է Փաշինյան-Պուտին հանդիպում
Ռուսաստանի նախագահ Վլադիմիր Պուտինը ՌԴ Անվտանգության խորհրդի նիստում հայտարարել է Խերսոնի և Զապորոժիեի շրջաններում, ԼԺՀ-ում և ԴԺՀ-ում հոկտեմբերի 20-ին ռազմական դրություն մտցնելու որոշման մասին: Այս մասին հայտնում է ՌԻԱ Նովոստին։
Բացի այդ, Ռուսաստանի նախագահի հրամանագրով տարածաշրջանների ղեկավարները լրացուցիչ լիազորություններ կստանան անվտանգության ապահովման համար: Նախագահի հրամանագրում նախատեսվում է անվտանգության ոլորտում ռիսկերի արձագանքման մի քանի մակարդակ։
Պուտինի հանձնարարությամբ կստեղծվի հատուկ համակարգող խորհուրդ ՝ վարչապետ Միխայիլ Միշուստինի գլխավորությամբ, որը կզբաղվի անվտանգության բարձրացման կազմակերպչական հարցերով։
ՌԴ Անվտանգության խորհրդի նիստում հայտարարվել է, որ Ղրիմում, Սևաստոպոլում, Կրասնոդարի երկրամասում, Բելգորոդի, Բրյանսկի, Վորոնեժի, Կուրսկի, Ռոստովի մարզերում անհրաժեշտ է տրանսպորտի, կապի և հաղորդակցության, էներգետիկայի օբյեկտների հատուկ ռեժիմ սահմանել։
Այդ տարածաշրջաններում նախատեսվում է բնակիչների ժամանակավոր տեղաբաշխում անվտանգ շրջաններ ՝ այդպիսի բնակիչներին ստացիոնար կամ ժամանակավոր բնակելի տարածքների պարտադիր տրամադրմամբ, տարածք մուտք գործելու և այդտեղից դուրս գալու հատուկ ռեժիմի սահմանում, ինչպես նաև այդ տարածքով տեղաշարժվելու ազատության սահմանափակում, տրանսպորտային միջոցների երթևեկության սահմանափակում և դրանց զննման իրականացում։
Անվտանգության խորհրդի նիստում ելույթի ժամանակ Ռուսաստանի նախագահն ընդգծել է, որ Կիևի ռեժիմը հրաժարվել է բանակցություններից, շարունակում է գնդակոծել ռուսական նոր տարածքները ՝ օգտագործելով ահաբեկչական մեթոդներ:
«Կիևի ռեժիմը, ինչպես հայտնի է, հրաժարվել է ճանաչել մարդկանց կամքն ու ընտրությունը, մերժում է բանակցությունների վերաբերյալ ցանկացած առաջարկ։ Ընդհակառակը, շարունակվում են գնդակոծությունները, զոհվում են խաղաղ մարդիկ։ Նեոնացիստներն օգտագործում են բացահայտ ահաբեկչական մեթոդներ ՝ դիվերսիաներ են կազմակերպվում կենսապահովման օբյեկտներում, մահափորձեր՝ իշխանության տեղական մարմինների ներկայացուցիչների դեմ», - ասել Է Պուտինը։
Նա ընդգծել է, որ Ռուսաստանը հպարտանում է յուրաքանչյուրով, ով կատարում է Հայրենիքի պաշտպանության պարտքը՝ նշելով, որ «զինվորները պետք է ապահովվեն անհրաժեշտ ամեն ինչով»:
Ավելի վաղ Խերսոնի շրջանի նահանգապետի ժամանակավոր պաշտոնակատար Վլադիմիր Սալդոն հայտնել էր, որ Կիևը ուժեր է կուտակում լայնամասշտաբ հարձակման համար, իսկ ՌԴ-ն ռազմական խմբավորում է ստեղծել՝ այն հետ մղելու համար։ Բնակիչների անվտանգության համար որոշում է կայացվել նրանց տեղափոխել Դնեպրի ձախ ափ։
Հատուկ գործողության շրջանում զորքերի միացյալ խմբավորման հրամանատար, բանակի գեներալ Սերգեյ Սուրովիկինը հայտարարել էր Խերսոնի շրջանում Կիևի ռեժիմի կողմից պատերազմի արգելված մեթոդների հնարավոր կիրառման մասին:
Հետևեք մեզ Facebook-ում