ԱՄՆ-ն առաջնահերթ է համարում ՀՀ-Ադրբեջան հարաբերությունների կարգավորումը, բայց չի խոստանում արդյունք. Նեդ Փրայս
Միացյալ Նահանգներն առաջիկայում շարունակելու է ակտիվորեն ներգրավված մնալ Հայաստանի և Ադրբեջանի հետ հարաբերություններում՝ այդ թվում և ամենաբարձր մակարդակներով։ Այս մասին լրագրողների հետ հերթական ճեպազրույցի ժամանակ ասաց ԱՄՆ պետդեպի խոսնակ Նեդ Փրայսը։
Նա հիշեցրել է Նյու Յորքում ԱՄՆ պետքարտուղար Էնթոնի Բլինքենի եռակողմ հանդիպումը Հայաստանի և Ադրբեջանի արտգործնախարարների հետ՝ ընդգծելով, որ սա վերջին ռազմական գործողություններից հետո առաջին հանդիպումն էր նման ձևաչափով, ինչպես նաև պետքարտուղարի վերջին հեռախոսազանգերը ԱԳ նախարարներին։
Փրայսը նշել նաև, որ ԵԱՀԿ Մինսկի խմբի ԱՄՆ համանախագահ, Կովկասյան բանակցությունների հարցերով ավագ խորհրդական Ֆիլիպ Ռիքերն ամենօրյա շփումների մեջ է թե՛ հայկական, թե՛ ադրբեջանական կողմի հետ։
«Ուստի, մենք շարունակելու ենք այս հարցում ներգրավված մնալ։ Չեմ կարող խոստանալ հստակ արդյունք, սակայն կարող եմ խոստանալ, որ սա մեզ համար առաջնահերթություն է մնալու»,- ասաց Փրայսը։
Zham.am
Հետևեք մեզ Facebook-ում