Եթե Պուտինը միջուկային զենք կիրառի, կդառնա լեգիտիմ ռազմական թիրախ. Բոլթոն

ԱՄՆ նախկին նախագահ Դոնալդ Թրամփի՝ ազգային անվտանգության հարցերով խորհրդական Ջոն Բոլթոնը հայտարարել է, որ եթե ՌԴ նախագահ Վլադիմիր Պուտինը միջուկային զենք օգտագործի, ապա դրանով կստորագրի իր ինքնասպանության գրությունը։

Նրա խոսքով՝ միջուկային զենքի կիրառման դեպքում գերագույն գլխավոր հրամանատարը կդառնա «լեգիտիմ ռազմական թիրախ»։

«Նա ռուսական բանակի որոշումների կայացման և վերահսկողության կենտրոնն է։ Մենք դա անվանում ենք ազգային հրամանատարական իշխանություն: Նա օրինական ռազմական թիրախ է: Կարծում եմ, թեև կան շատ այլ բաներ, որոնք մենք նույնպես կարող ենք անել, նա պետք է իմանա, որ նա մեր թիրախների ցանկում է», – ասել է Բոլթոնը CBS-ին:

Սպիտակ տան նախկին խորհրդականը չի հավատում, որ միջուկային զենքի օգտագործումն անխուսափելի է։ Բայց նա հորդորել է լուրջ վերաբերվել նման զենքի հնարավոր կիրառմանը։ Բոլթոնը չի գտնում, որ աշխարհը միջուկային հարվածներով փոխանակման շեմին է, ինչպես վերջերս հայտարարել է ԱՄՆ նախագահ Ջո Բայդենը։

Ռուսաստանը, մի կողմից և Ուկրաինան ու Արևմուտքը, մյուս կողմից, միմյանց մեղադրում են միջուկային պատերազմի մասին հռետորաբանություն հրահրելու համար: Օրինակ, ռուս պաշտոնյաները մեղադրում են Ուկրաինայի նախագահ Վլադիմիր Զելենսկիին ՆԱՏՕ-ին Ռուսաստանին միջուկային հարված հասցնելու դրդելու համար:

Աղբյուր՝ 168.am