Ռուսաստանի Դաշնության համապարփակ առաջարկները խաղաղության պայմանագրի կնքման վերաբերյալ փոխանցվել են Հայաստանին և Ադրբեջանին. Զախարովա

Ռուսաստանի Դաշնության համապարփակ առաջարկները խաղաղության պայմանագրի կնքման վերաբերյալ փոխանցվել են Հայաստանին և Ադրբեջանին: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան այսօրվա ճեպազրույցին:

Նա նաև հավելել է, որ այդ նպատակով տարածաշրջան կայցելի ՌԴ Արտաքին գործերի նախարարության հատուկ ներկայացուցիչ Իգոր Խովաևը:

Ստորև կետերով ներկայացնում ենք, թե էլ ինչ հայտարարություններ է արել Զախարովան բրիֆինգի ընթացքում: 

-Նրանք, ովքեր փորձում են կասկածի տակ դնել մեր դերը և խոսել մեր անգործության մասին, ինձ թվում է, որ դա ցանկալին՝ իրականի տեղ մատուցել է: Մենք գործնական աշխատանքով ենք զբաղված:

-Մենք ինչ-որ հատուկ գովազդային գործունեությամբ չենք զբաղվում, որի տակ ոչինչ չկա: Մենք անում ենք հակառակը-պատմում ենք այն բանի մասին, թե ինչ ենք կարողացել անել:

-Հաշվի առնելով խաղաղ պայմանագրի թեմայի վերաբերյալ գերզգայությունը, աննպատակահարմար ենք գտնում բարձրաձայն մեկնաբանել տարվող բանակցությունների մանրամասները: Մենք միտված ենք արդյունքի:

Zham.am