Ադրբեջանցիների հույսը մնացել է միայն Թրա՞մփը
Վերջին օրերին Ադրբեջանում կրկին արթնացել է հակաարևմտյան հիստերիան: «Գարդիանի» և «Վաշինգտոն պոստի» հոդվածները հունից հանել են ալիևյան վարչակազմին: Իսկ ԱՄՆ-ի Հատկացումների կոմիտեի որոշումը պարզապես լցրել է Ալիևի համբերության բաժակը: Ճիշտ է, պաշտոնական մակարդակով դեռ արձագանք չկա, սակայն իշխանական պաշտոնական «Ադրբեջան» պարբերականը խմբագրականով է հանդես եկել, որտեղ Ադրբեջանի և Թուրքիայի հանդեպ այս քննադատությունները նա համարել է Սորոսի և պրոհայկական շրջանակների համատեղ գործողություն` նշելով, որ եթե Միացյալ Նահանգները չփոխեն իրենց դիրքորոշումն Ադրբեջանի նակտմամբ, ապա վերջինս ստիպված կլինի վերանայել իր բալանսավորված արտաքին քաղաքականության ուղենիշը և դառնալ միակողմանի ռուսամետ:
Պարբերականը հիշեցնում է, որ Ադրբեջանն ակտիվորեն մասնակցել է Միացյալ Նահանգների խաղաղապահ առաքելության ծրագրերին` Կոսովոյում, Իրաքում և Աֆղանստանում ուղարկելով զինծառայողներ: Նույն պարբերականը հիշեցնում է նաև, որ Ադրբեջանի և ԱՄՆ-ի հարաբերությունները խիստ վատթարացան Օբամայի վարչակազմի ժամանակ, և Բաքուն հույս ուներ, որ նախագահ Թրամփը կփոխի այս մոտեցումները Ադրբեջանի հանդեպ: Մանավանդ, որ նա հայտարարել էր, որ ԱՄՆ-ի արտաքին քաղաքականության ուղենիշում առաջնայինը պետք է լինի Միացյալ Նահանգների շահերը, այլ ոչ թե այլ երկրների ներքին գործերին խառնվելը` մարդու իրավունքների պաշտպանության պատրվակով:
Zham.am
Հետևեք մեզ Facebook-ում