Այն ժամանակ մենք զենք էինք գնում և՛ Չինաստանից, և՛ Եվրոպայից, և՛ Ռուսաստանից ու ՀԱՊԿ-ին անդամակցությունը խոչընդոտ չէր. Ռոբերտ Քոչարյան

ՀՀ երկրորդ նախագահ Ռոբերտ Քոչարյանն այսօր՝ սեպտեմբերի 28-ին, հանդես է գալիս մամուլի ասուլիսով և պատասխանում լրագրողների հարցերին:

Հարցին՝ ՀԱՊԿ-ի անդամ լինելը կարո՞ղ է խանգարել արևմուտքից զենք գնելուն, Ռոբերտ Քոչարյանը պատասխանեց.

«Մենք ՀԱՊԿ-ի անդամ էինք, բայց նաև Եվրոպայից էինք զենք գնում: Նույնիսկ մեր առաջին զենքի խմբաքանակը դեռ 91-ին մենք գնել ենք Եվրոպայից: Բոլոր այդ հնարավորությունները կային, մենք գնում էինք և՛ Չինաստանից, և՛ Եվրոպայից, և՛ Ռուսաստանից ու չեմ կարծում, որ ՀԱՊԿ-ին անդամակցությունն այստեղ որևէ խոչընդոտ լիներ: Նույնիսկ մենք բանակի համար ԱՄՆ-ից կապի միջոցներ ենք ստացել: Ուղղակի այն ժամանակ այդ հարցադրումը մենք էինք անում, և իրենք բավարարեցին մեր պահանջը, մեր ցանկությունը»: 

Մանրամասները՝ Yerevan.Today-ի տեսանյութում։