Կրակոցներ Իժևսկի դպրոցում. զոհվել է 9 մարդ, այդ թվում՝ աշակերտներ

Հրաձգություն է տեղի ունեցել Ուդմուրտիայի մայրաքաղաքի թիվ 88 դպրոցում։ Դեպքի վայր է ժամանել հանրապետության ղեկավար Ալեքսանդր Բրեչալովը, աշխատում են բոլոր հատուկ ծառայություններն ու բժիշկները։  Հրաձգության հետևանքով ինը մարդ է զոհվել, այդ թվում՝ հինգ երեխա:

Ուդմուրտիայի ղեկավար Ալեքսանդր Բրեչալովի տեղեկություններով՝ անհայտ անձը մուտք է գործել Իժևսկի կենտրոնում, քաղաքապետարանի հարևանությամբ գտնվող թիվ 88 դպրոց՝ սպանելով պահակին և աշակերտներից մի քանիսին։

«Ըստ իմ տեղեկատվության ինքնասպան է եղել»,-ասաց Բրեչալովը։

Ավելի վաղ Ուդմուրտիայի ՆԳՆ մամուլի ծառայությունը հայտնել էր վեց զոհի և 20 վիրավորի մասին։

«Ոստիկանները հայտնաբերել են կրակ բացած տղամարդու դին, ըստ տեղեկությունների՝ նա ինքնասպանություն է գործել»,-հաստատել է տեղեկատվությունը Ուդմուրտիայի ՆԳՆ մամուլի ծառայությունը:

Zham.am