ՀՀ-ում ՌԴ ռազմաբազայի օդաչուները բարձրլեռնային պայմաններում հատուկ վարժանքներ են անցկացրել

Հայաստանում ռուսական 102-րդ ռազմաբազայի օպերատիվ–մարտավարական և բանակային ավիացիայի անձնակազմերը պահեստային օդանավակայանում ինքնաթիռների և ուղղաթիռների պայմանական վերատեղակայում են կատարել։

Նշվում է, որ ավիաբազայի օդաչուները միայնակ, զույգերով, օղակներով և էսկադրիլիայի կազմում 250-ից մինչև 1.5 հազար մետր բարձրության վրա և թռիչքի արագության տարբեր ռեժիմներում կատարել են հատուկ թռիչքային առաջադրանքներ, այդ թվում ՝ Ալագյազ բարձրլեռնային հրաձգարանի վերևում:

 

Ամառային ուսումնական շրջանի ամփոփման նախապատրաստման շրջանակներում նաև ստուգվել է Հարավային ռազմական օկրուգի ավիաբազայի ինժեներատեխնիկական կազմի, թռիչքների ղեկավարման խմբերի, ինչպես նաև թռիչքային հերթափոխեր ապահովող ստորաբաժանումների աշխատանքը: