Խոշոր ավտովթար. Վրաստանում մեքենան մխրճվել է հայկական համարանիշներով ավտոբուսի մեջ. կան զոհեր

Ըստ տեղեկությունների` ավտոբուսը հաշվառված է Երևանում և ուղևորներ էր փոխադրում Ռուսաստանի Դաշնություն:

Այսօր՝ սեպտեմբերի 7-ին, խոշոր ու ողբերգական ավտովթար է տեղի ունեցել Վրաստանի Հանրապետությունում։ Այս մասին հայտնում է shamshyan.com-ը։

Ժամը 04։00-ի սահմաններում Նատախտարի շրջանում բախվել են Mercedes և Setra մակնիշների ավտոմեքենաները։

Ժամը 04։00-ի սահմաններում Նատախտարի շրջանում բախվել են Mercedes մակնիշի o 961 XA 777 համարանիշի և Setra մակնիշի 24 OR 444 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Mercedes-ի վարորդը, նրա ուղևորները տեղում մահացել են, իսկ ավտոբուսի ուղևորներից ևս 11 հոգի բժշկական օգնություն ստանալու նպատակով դիմել են բժիշկների օգնությանը։ Ֆոտոլրագրողի տեղեկություններով՝ ավտոբուսը հաշվառված է Երևան քաղաքի 16-րդ թաղամասի բնակիչ Գոռ Թադևոսյանի անվամբ և ուղևորներ էր փոխադրում Ռուսաստանի Դաշնություն։ Ըստ նախնական տեղեկությունների՝ վթարի մեղավորը եղել է Mercedes-ի վարորդը, ով բախվել է ավտոբուսին։ 

Աղբյուրը` Shamshyan.com