Գեներալ Մանվելի եղբորորդին հրավիրվել է Գլխավոր դատախազություն
Արմավիրի մարզի Արշալույս համայնքի նախկին ղեկավար Զարզանդ Մերուժանի Գրիգորյանը հրավիրվել է ՀՀ Գլխավոր դատախազության Ապօրինի ծագում ունեցող գույքի բռնագանձման գործերով վարչություն։ Այս մասին տեղեկացնում է «Ազդարար.am» համակարգը:
Նախկին համայնքապետին ուղարկված ու կայքում հրապարակված ծանուցագրի համաձայն՝ իրեն պատկանող գույքի առնչությամբ իրականացվել է ուսումնասիրություն, որի արդյունքում կազմվել է ամփոփագիր: Զարզանդ Գրիգորյանը Երկրապահ կամավորականների միության նախկին նախագահ, նախկին պատգամավոր, պաշտպանության նախկին փոխնախարար, Արցախի հերոս, գեներալ-լեյտենանտ Մանվել Գրիգորյանի եղբորորդին է։
Վարչություն է հրավիրվել նաև նրա կինը՝ Կարինե Մուշեղի Գրիգորյանը, ու ևս մեկ անձ՝ Թամարա Երջանիկի Գրիգորյանը, ով Զարզանդ Գրիգորյանի՝ նախկինում ներկայացրած հայտարարագրում նշված է որպես «Համատեղ բնակվող չափահաս անձ»։
Հետևեք մեզ Facebook-ում