Քեյթին առանց հագուստի լուսանկարելու տուգանքը կազմել է 103 000 + 45 000 եվրո. Լուսանկարներ

Ֆրանսիական Closer լրատվամիջոցը բրիտանական թագավորական ընտանիքին կվճարի 103 հազար եվրո: Դատարանն այսքան է գնահատել վնասը, որը հասցվել է Քեմբրիջի դքսուհի Քեյթ Միդլթոնին` նրա մերկ լուսանկարների հրապարակման պատճառով:

Բացի այդ հրապարակման հեղինակը և խմբագիրը պետք է վճարեն յուրաքանչյուրը 45 000- ական եվրո, տեղեկացնում է Life.ru -ն` հղում անելով Дни.ру -ին:

Սակայն, Քեյթն ու Ուիլյամը այնքան էլ գոհ չեն դատարանի այդ որոշմամբ: Նրանք պահանջել էին, որ մեղավորները իրենց անձնական կյանք ներխուժելու համար վճարեն 1,4 միլիոն եվրո:

Հիշեցնենք, որ լուսանկարները, որտեղ Քեյթն առանց հագուստի է, հրապարակվել են դեռ 2012-ին: Պապարացիները կադրեր են ֆիքսել, երբ զույգը հանգստանալիս է եղել Ֆրանսիայի հարավում: Նյութը վերնագրվել է "Աստված իմ" և տարածվել Եվրոպայով մեկ: