Մոսկվան կրկին նախազգուշացնում է Սերժ Սարգսյանին` կրակի հետ չխաղալ. Տեսանյութ

Այսօր ռուսաստանյան հայտնի Pravda. ru կայքը Հայաստանի հանդեպ խիստ քննադատական հոդվածով է հանդես եկել, որտեղ նշվում է, թե իբր Հայաստանի քաղաքականությունը Ռուսաստանի հանդեպ կարելի է գնահատել որպես դավաճանություն: 

"Այդ ինչո՞ւ Հայաստանը Եվրոպայի և ՆԱՏՕ-ի հետ կարող է խաղեր տալ և միաժամանակ ընդվզում է, երբ Ռուսաստանը փորձում է բարիդրացիական հարաբերություններ հաստատել Թուրքիայի և Ադրբեջանի հետ, զենք վաճառել վերջինիս":

Հեղինակը լայնորեն պատմական էքսկուրս է անում հայ - ռուսական հարաբերությունների մեջ և եզրահանգման գալիս, որ իբր Հայաստանը պատրաստվում էր գնալ Ուկրաինայի ճանապարհով, սակայն դա կանխվեց Մոսկվայի կողմից: Անշուշտ, հոդվածն իր մեջ պարունակում է շատ պարզունակ եզրույթներ, սակայն փաստ է այն, որ առաջին անգամ Հայաստանի հանդեպ խիստ բացասական գնահատականներով է հանդես գալիս ոչ թե առանձին վերցրած քաղաքագետը կամ քաղաքական գործիչը, այլ` լրատվամիջոցը, որը մոտ է կանգնած Կրեմլին: Փաստացի Կրեմլը անուղղակի հասկացնում է Երևանին, որ իրենց համբերության բաժակը լցված է: Ի դեպ, հենց նույն օրը լրատվամիջոցը իր տաղավար է հրավիրում ադրբեջանցի փորձագետին, որի հետ քննարկում են Լեռնային Ղարաբաղի խնդիրը, ինչը նույնպես զուգադիպություն չի կարելի համարել:

Zham.am