Պահպանիր համաշխարհային կարգը. հայտնի է դարձել՝ ինչ է գրել Օբաման Թրամփին ուղղված նամակում. Մամուլ

ԱՄՆ նախկին նախագահ Բարաք Օբաման Սպիտակ տնից հեռանալուց առաջ ղեկավարի պաշտոնում իրեն հաջորդած Դոնալդ Թրամփին նամակ է գրել, որի բովանդակությունը նոր է հրապարակվել:

Ինչպես նշում է The Guardian-ը, Օբաման ԱՄՆ 45-րդ նախագահին 3 առանցքային խորհուրդ է տվել:

«Տարբեր առումներով մենք երկուսս էլ օրհնված ենք ճակատագրի կողմից, չէ՞ որ բոլորը մեզ պես հաջողակ չեն: Մեր պարտքն է ուժերի ներածին չափով ամեն ինչ անել յուրաքանչյուր երեխայի ու աշխատել ցանկացող ընտանիքի համար դեպի հաջողություն տանող ճանապարհը հարթելու համար»,-գրել է Օբաման:

Անդրադառնալով միջազգային հարաբերություններին՝ Օբաման «ԱՄՆ-ի մեկուսացվածությանը ձգտող» Թրամփին հիշեցրել է, որ ժամանակակից աշխարհում ԱՄՆ-ն անփոխարինելի առաջնորդ է:

«Մենք պարտավոր ենք պահպանել համաշխարհային կարգը, որից և կախված է մեր սեփական երկրի բարեկեցությունն ու անվտանգությունը»,- շարունակել է Օբաման:

Բացի այդ, Միացյալ Նահանգների 44-րդ նախագահը կոչ է արել նոր ղեկավարին դառնալ այն ժողովրդավարական ինստիտուտների ու ավանդույթների (oրենքի գերակայություն, իշխանությունների տարանջատում, հավասար պաշտպանություն, քաղաքացիական ազատություններ) պաշտպանը, հանուն որոնց իրենց նախնիները պայքարել ու զոհվել են:

Աղբյուրը հավելում է, որ ավելի վաղ Թրամփի հետ զրույցի ընթացքում Օբաման նշել էր, որ 71-ամյա հանրապետականի կառավարման, թերևս, ամենալուրջ խոչընդոտն է լինելու Հյուսիսային Կորեայի հարցը:

Աղբյուրը` Tert.am