Օլգա Բուզովան անհետացել է լեռներում. երգչուհին կապի դուրս չի գալիս

Երգչուհի և հեռուստահաղորդավարուհի Օլգա Բուզովայի PR մենեջեր Անտոն Բոգոսլավսկին մեկնաբանել է արտիստի անհետացման մասին լուրերը։ Նա հաստատել է, որ երգչուհին կապի դուրս չի գալիս։ «Мало половин» հիթի կատարողը, որը հանգստանում էր Սոչիում, հետևորդներին պատմել է, որ ուղղաթիռով սարեր է գնում։

Դրանից հետո Բուզովան դադարել է կապի դուրս գալ սոցիալական ցանցերում, և երկրպագուները սկսել են անհանգստանալ։ «Նա անհետացել է: Մենք օրեր առաջ ենք շփվել։ Ես գիտեմ, որ նա սարեր է գնացել։ Դրանից հետո մենք չենք խոսել։ Չգիտեմ՝ ինչ ասել ձեզ»,-Teleprogramma.pro-ի հետ զրույցում ասել է երգչուհու ներկայացուցիչը։

Ուղևորությունից առաջ հեռուստահաղորդավարուհին ակնարկել է, որ որոշ ժամանակ անհասանելի է լինելու։ Աստղը պատմել է, որ վերջին շրջանում իր կյանքում շատ բան է տեղի ունեցել, և ինքը որոշել է գնալ այնտեղ, ուր նախկինում մարդը ոտք չի դրել, բայց խոստացել է ամեն ինչ ցույց տալ հետևորդներին։