Լավրով. Ես Ռուսաստանի նախագահ չեմ ուզում դառնալ

Ինչպես հայտնի է, գալիք տարվա գարնանը անցկացվելու են Ռուսաստանի նախագահի ընտրություններ, որի հիմնական ֆավորիտը՝ Պուտինն է: 

Ինտրիգը, սակայն, կայանում է նրանում, թե ինչ ցուցանիշներով է նա ընտրվելու երկրի նախագահ:

Հիմնական քննարկվող թեման կայանում է նրանում, թե ով է լինելու նրա ապագա հետնորդը` 7 տարի անց, քանզի 3-րդ անգամ Պուտինը չի կարողանալու ընտրվել նախագահի պաշտոնում: Եվ հենց այս հարցում էլ վերլուծաբանները փորձում են հասկանալ, թե ումով է պատրասվելու փոխարինել Պուտինը իրեն: 

Օրերս Լավրովը հանդիպումներից մեկի ժամանակ պատասխանելով այն հարցին, թե կարո՞ղ է առաջադրվել նախագահի պաշտոնում, բացասական պատասխան է տվել, նշելով, որ իր համար կոմֆորտ է Պուտինի հետ աշխատելը: 

Վերլուծաբանները Լավրովին համարում են Պուտինի ապագա հետնորդների թեկնածուների  շարքում: Թեև այս ամենի մասին խոսելը 7 տարի առաջ, հատկապես Ռուսաստանի նման երկրում, առնվազն լուրջ չէ:

Հակոբ Կարապետյան